【假如老公是一隻動物】
您老公似咩?????????????
10種「動物系爸爸」性格分析?
各有優缺點?款款都咁趣緻?
您理想中嘅老公係咩動物❓實際又係咩呢?
犬系爸爸
會竭力保護仔女、時常倍伴在側
以家庭為生活中心嘅暖男，常伴左右，有事無事隨傳隨到，係小朋友心目中嘅超人爸爸，亦係最忠心嘅伙伴。喺老婆心目中亦係忠心又愛錫家庭嘅好老公，心靈上會好依賴另一半。
貓系爸爸
傲驕、見小朋友癡阿媽多啲會呷醋
外冷內熱，睇落唔嗲唔吊，其實心裡非常在意，亦非常關心家人；唔會將愛錫老婆仔女嘅心情講出口，但又希望佢哋喜歡自己；有時見到仔女癡阿媽多啲仲會呷醋！
虎系爸爸
典型一家之主、會嚴厲管教小朋友
大男人，屋企佢最大；有主見，事無大小都係佢話事，對人對事都較嚴厲，有時會令小朋友怕怕。不過喺老婆心目中就係一個好可靠嘅男人，有佢喺度就乜都無有怕！
兔系爸爸
好好恰、見仔女有事會好驚青
性格溫馴，喺屋企擔當被欺負嘅角色，從來唔會發脾氣，仲會畀小朋友恰返轉頭，對老婆也是十分遷就，亦因為咁大家都喜歡佢；遇事較驚青、手忙腳亂，需要老婆照顧。
熊系爸爸
毛茸茸、最鐘意抱抱，攬住取暖一流！
身形大大份，有肌肉又有肥肉，外表兇猛得嚟其實又有可愛嘅一面，畀人感覺熱情；對仔女嚟講係一個騎膊馬同抱抱嘅好對象；對老婆嚟講亦係個無敵人肉大暖包。
鳥系爸爸
愛自由、經常唔喺屋企
崇尚自由、活在當下，人生宗旨係”Work hard Play hard”。成日唔喺屋企，陪伴家人嘅時間較少；但每當Family Day就會專注陪家人，唔會將工作帶返屋企。
牛系爸爸
誠實、勤力工作養妻活兒
為人老實、腳踏實地，擔屎唔偷食，會教仔女做個正直嘅人；而且是非常負責任的好男人，以家庭為己任，努力賺錢養家，喺屋企亦會幫手做家務同湊仔。當然，對老婆亦是痴心一片。
象系爸爸
穩重可靠，係仔女嘅大靠山！
畀人感覺沉著冷靜、穩重可靠，會為家人遮風擋雨；無論遇到咩事，有佢喺度都會令人覺得好安心，老婆仔女都當佢係大靠山，總之一家人在一起就無咩好怕！
豬系爸爸
肥嘟嘟、主要工作係食同瞓
一個字──懶！唔會幫手做家務、唔會幫手湊BB，喺屋企主要係食玩瞓，身形肥胖。雖然Hea底成性，不過對自己擁有嘅幸福生活十分珍惜，亦都好愛錫老婆仔女。
猴系爸爸
活力無限無時停，最鐘意同小朋友玩！
活躍好動嘅大細路，喜歡戶外活動；同仔女打成一片，係小朋友嘅最佳玩伴。對老婆嚟講就好似湊多個仔咁，不過同佢一齊總係會有無限歡樂同笑聲，係一個開心果！
香港專業孕前護理
孕婦按摩及產後按摩價目表︰https://bit.ly/3ahIC5M
香港專業計劃懷孕資訊：https://mirismama.hk/孕前攻略
香港專業孕婦護理資訊：https://mirismama.hk/孕婦攻略
香港專業產後護理資訊：https://mirismama.hk/產後攻略
最新優惠 | https://mirismama.hk/網上推廣/
Miris Mama 優惠查詢及預約專線 | (+852) 9712 6782
享用任何服務，必須網上預約及付款方能享用優惠價
恕不設現場櫃台登記
營業時間：星期一至五 12pm-9pm；
星期六、日及公眾假期 10am-7pm
