新手媽媽腰酸背痛? 一招輕鬆解決產後痛症 - Mirismama 孕婦產後按摩專門店

新手媽媽以為捱過生產時嘅10級痛，結束孕期嘅不適，卸完貨終於可以解脫，但原來咁諗真係太天真…因為第二日你就會發現，原來生完之後嘅攰同辛酸，就好似絲綢之路一樣咁長TT以為坐月可以好好休息調理，但其實係要沒日沒夜咁照顧bb，如果本身身子弱，照顧bb時又無特別留意姿勢，就容易導致好多產後痛症出現，例如腰酸背痛、頸痛、媽媽手等，如果唔及時處理，呢啲痛症仲會越嚟越嚴重，甚至斷唔到尾，影響日常生活!

五大常見產後痛症

無論係懷孕期間嘅身體轉變，定係因為照顧bb而導致嘅勞損傷患，都容易令媽媽出現各類痛症。例如：

1.腰酸背痛

懷孕期間體重大增、產後腹直肌分離、盆骨錯位或者核心肌群力量弱咗等，都會引起腰酸背痛。

2.肩頸痛

平時抱bb、換片、餵奶姿勢唔正確或者用錯力，甚至過於緊張，都會引起肩頸肌肉勞損。

3.媽媽手

用錯力抱bb，加上又要忙住泵奶、幫bb換衫換片、洗奶樽等，手部得唔到適度嘅休息，好容易患上“媽媽手”。尤其如果遇到高需求bb，哄完bb之後，甚至覺得對手已經唔再屬於自己！

4.坐骨神經痛

因為懷孕後期身體會分泌鬆弛素，令關節同恥骨變得唔穩定，甚至韌帶鬆弛，平時大步行路、上落樓梯甚至轉身都會覺得痛！

5.產後脫髮

大多數媽媽都會喺產後出現脫髮問題，原因係荷爾蒙變化、產後壓力大、瘦身過急等，都會令頭髮毛囊進入休止期或者脫落期。

產後痛症令夫妻關係變差，甚至影響親子關係？

呢啲產後痛症唔單止影響日常生活，仲嚴重影響到媽媽嘅情緒！例如小編就試過因為餵奶長期駝背+低頭餵奶，導致嚴重腰酸背痛。痛咗一排本來諗住繼續忍，因為以為會自己好返，點知慢慢開始影響夫妻關係，因為腰太痛而唔可以有正常嘅性生活~而且個人情緒仲成日好差，小小事就發老公脾氣，對小朋友耐性亦差咗好多，搞到bb有排親爸爸仲多過親我！雖然試過自己用按摩搶，但作用唔大，而且根本治標不治本…

終於痛到我頂唔順，要睇醫生先搞得掂。所以！！媽媽們！如果身體一響起警號（覺得痛），真係要即刻交低bb俾爸爸，盡快正視問題，否則只會越嚟越嚴重呀~

如何預防/改善產後痛症

而當你發現自己有以上痛症，首先應該盡量放鬆心情，然後可以透過唔同嘅活動舒緩痛症。例如MirisMama嘅『產後媽媽 – 腰背手舒痛療法』就專門針對改善媽媽手同埋腰酸背痛，療程包括『媽媽手防護排酸按摩』，預防媽媽手或者肌腱發炎，手腕酸痛，再做『腰背筋骨放鬆療法』，幫助深層筋膜放鬆，預防腰椎間盤突出，紓緩坐月疲勞。最後做『生髮穴位紓壓頭部按摩』，改善產後脫髮！其實就算本身無呢啲產後痛症，都可以做呢個療法預防痛症，放鬆身心，要記住媽媽要將自己照顧好，先可以俾bb更好的照顧！