【KOL產後減肥推介】產後消脂修腰緊緻護理找回少女身材!

【產後減肥心得】找回少女身材不是夢! 產後護理要識揀…

我舊年11月順產，因為本身有小小肥，以前好努力控制飲食同運動先KEEP到唔肥。有咗之後比以前食得無咁節制，生完就梗係肥咗好多啦！

↑阿女啲腳趾好長

忙著湊女、餵奶，作為一個新手媽媽已經手忙腳亂，加上見到自己成個肥Ｃ９咁，完全無自信，唔想出街見人，真係有啲產後抑鬱！不過經過幾個月努力，我而家線條仲fit過未有BB之前！好想喺度同媽媽們分享吓我嘅產後減肥心得～飲食均衡好緊要，要少食多餐、多食菜、少食糖份同米飯、戒零食；但為咗要補身同上奶，湯水同補品真係無得避。

↑基本上我都無特別戒口，乜都食，最緊要係營養均衡，同埋唔好一次過食太飽

生完初期有試過紮肚，諗住可以令盆骨快啲復原；不過聽人講紮肚對身體都唔係咁好，有機會令子宮下垂，所以只係紮咗好短時間。

其實就算無紮肚，盆骨自己慢慢都收返細；但係腰、肚腩同大髀啲肥豬肉…就算有做瑜伽同跑步，都唔係咁易搣得甩。不過我最近發現體脂少咗、線條ＦＩＲＭ咗，估唔到呢個treatment真係work…

～Miris Mama嘅產後消脂修腰緊緻護理～

↑Miris Mama療程房好大好靚

↑仲有梳妝房，環境舒適

我近呢個月連續做咗3次個treatment，每次都做3樣嘢，首先係用微電流刷通經絡。原來身體經絡暢唔暢通，對健康有好大影響，中醫講法就係經絡暢通血氣就會運行得好，病痛都少啲，呢個刷原理就好似針灸、刮痧、拔罐咁，不過佢係用微電流去刺激穴位，會有少少拮拮哋嘅感覺，唔會痛，做完水腫明顯少咗，同埋可以調理身體。

第2樣就係人手塑形按摩，每一吓都啪啪聲！不過同搣脂唔同，呢個係用比較特別嘅按摩手法去幫你消脂，按落唔會痛唔會瘀，按完會ＦＥＥＬ到皮膚熱熱哋，好似啲脂肪喺入面ＢＵＲＮ緊咁（呢個可以揀位置，我通常會叫佢按腰同大髀，有時按手臂）。